Miley Cyrus ‘Flowers’ a la Hot ber

Miley Cyrus hla hit ‘Flowers’ chu Billboard Hot 100 chart-ah a No.1 a, he chart-a kar thum a No.1-na a ni ta a, chart-a No.1 rei lamah 2013-ah a hla ‘Wrecking Ball’ No.1 rei zawng a nih rual ta chiah. ‘Flowers’ hi Miley hla he chart-a No.1 thei pahnihna a ni. Hetihrual hian Lil Uzi Vert pawhin top 10 kai thei hla a nei thar ve leh ta bawk.

-- Advertisement --

Billboard Hot 100 (singles) chart hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.

‘Flowers’ hian kar khat chhungin radio airplay-ah ngaithlatu maktaduai 56.4 neiin, stream pawh maktaduai 48 a la tling a, sales pawh 37,000 niin, hei hi chart-ah a kar thum nan a No.1 pui leh ta a ni. Miley hian chart-a No.1 kai thei hla pahnih ‘Wrecking Ball’ leh ‘Flowers’ a nei ta a, top 10-a kai thei hla palia niin, a hla dang ‘The Climb’ (No.7), ‘Party In The USA'(No.8) te an lo lang tawh bawk.

SZA ‘Kill Bill’ chu a kar li nan No.2-ah bawk a awm leh a, radio airplay-ah ngaithlatu maktaduai 48.6 neiin, sales 2,000 leh stream maktaduai 32.5 a tling a, Metro Boomin, The Weeknd leh 21 Savage ‘Creepin’ chu No.4 atangin No.3-ah a insawn a, chart No.1 hlui Taylor Swift ‘Anti Hero’ chu No.3 atangin No.4-ah a tawlh a, chart No.1 hlui bawk Sam Smith leh Kim Petras ‘Unholy’ chu No.5-ah bawk a la awm.

The Weeknd ‘Die For You’ chu No.7 atangin No.6-ah a insawn a, David Guetta leh Bebe Rexha ‘I’m Good (Blue)’ chu No.6 atangin No.7-ah a tawlh a, Drake leh 21 Savage ‘Rich Flex’ chu No.8-ah bawk awm lehin, chart No.1 hlui Harry Styles ‘As It Was’ chu No.9-ah bawk a la awm.

Chart top 10 khartu chu Lil Uzi Vert ‘Just Wanna Rock’ niin, radio airplay maktaduai 28.7, stream maktaduai 15 leh sales 1,400 tlingin, No.12 atangin No.10 a kai a, he chart-a a hla top 10 kai thei pasarihna a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More