Miley Cyrus ‘Flowers’ a lar ber
Mley Cyrus hla hit ‘Flowers’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he chart-a kar kua a No.1-na a ni ta. Hetihrual hian BTS member Jimin hla thar ‘Set Me Free, Pt.2’ leh Taylor Swift ‘All of the Girls You Loved Before’ te pawh chart top 10-ah an lang.
He chart hi kar khat chhunga khawel huapa hla lar dan tehna niin, chart ranking siam nan hian official-only streams (subscription leh ad-supported audio leh video music services) leh download sales te chu tehna pawimawh a ni.
MIley ‘Flowers’ hi kar khat chhungin khawvel ram hrang hrang 200 chuangah stream maktaduai 98.8 tlingin, download sales 25,000 a la tling bawk a, hei hi a kar kua nan chart-ah a No.1 pui leh ta a ni.
Chart No.1 hlui Karol G leh Shakira ‘TQG’ chu No.3 atangin No.2 a kai thar leh a, The Weeknd leh Ariana Grande ‘Die for You’ chu No.2 atangin No.3-ah a tawlh a, chart No.1 hlui SZA ‘Kill Bill’ chu No.4 niin, Rema leh Selena Gomez ‘Calm Down’ chu No.6 atangin No.5 a kai thar ve leh ta bawk.
BTS member Jmin hla thar ‘Set Me Free, Pt.2’ chu, stream maktaduai 56 leh download sales 42,000 tlingin No.8-ah a debut a, Jimin hi BTS member zinga e chart-a solo artist anga chart top 10-a lang thei palina niin, a hmain a band member pui Jung Kook, Jin leh SUGA ten chart top 10-a lang thei hla an lo nei tawh.
Taylor Swift pawhin a hla thar ‘All of the Girls You Loves’ chu stream maktaduai 34.2 leh 22,000 download sales niin, No.10-ah a debut ve bawk. Taylor Swift hian he chart top 10-a lang thei hla 14 a nei tawh a, hmeichhe zaithiam zinga he chart-a top 10 kai thei hla ngah ber niin, mipaa pawh top 10-a hla 27 nei tawh Drake chiah a um pha lo a ni.
Miley Cyrus ‘Flowers’ a lar ber
Get real time updates directly on you device, subscribe now.
Prev Post