Miley Cyrus hla thar ‘Flowers’ cu Billboard Globel 200 chart No.1-ah a debut a, he chart-a Miley a No.1 vawi khatna. Miley ‘Flowers’ hian record siamin, soloist-ah chuan kar khat chhunga khawvel huapa hla stream nasat ber a ni a, soloist chauh ni lo, a nawlpuia a lakah chuan pathumna a ni thung. Hetihrual hian Bizarrap leh Shakira te pawh No.2-ah a invawrh ve bawk.
-- Advertisement --
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only streams (subscription leh ad-supported audio leh video music services) leh download sales te chu tehna pawimawh a ni.
‘Flowers’ hi kar khat chhungin khawvel huapin stream maktaduai 179.1 a tling a, download sales pawh 98,000 niin, hei hi Billboard Global 200-ah a No.1 pui ta a ni. Miley tan hi tun hi he chart-a a No.1 vawi khatna a nih mai piah lamah he chart top 10-a a lan vawi khatna a ni bawk. 2020 khan ‘Prisoner’ featuring Dua Lipa chu No.12 keiin, ‘Midnight Sky’ chu No.15 a kai pui bawk a ni.
‘Flowers’ hi solo artist hlaah khawvel huapa kar khata stream nasat ber record a ni a, vawi maktaduai 179.1 stream a ni a, soloist chauh ni lo, group pawh telh chuan BLACKPINK leh BTS chiah a pha lo. BLACKPINK hla hit ‘Pink Venom’ chu October 2021 khan khawvel huapin kar khat chhungin vawi maktaduai 212.1 stream hman a ni a, BTS hla hit ‘Butter’ chu June, 2021 khan vawi maktaduai 289.8 stream a ni ve thung.
Bizarrap leh Shakira ‘Bzro Music Sessions, Vol. 53’ chu stream maktaduai 168.4 leh download sales 16,000 tlingin, chart No.12 atangin No.2-ah a invawrh a, Argentine DJ/producer Bizarrap tan he chart top 10-a a lan vawi hnihna niin, Quevedo nen ‘Bzrp Music Sessions, Vol.52’ avangin top 10-a a lo lang tawh a, Shakira tan erawh tun hi he chart top 10-a a lan vawi khatna a ni ve thung.
SZA hla hit, he chart-a No.1 pawh kar hnih chhung lo ni tawh ‘Kill Bill’ cu No.1 atangin No.3-ah a tawlh a, Selena Gomez ‘Calm Down’ pawh No.3 atangin No.4-ah a tawlh a, Metro Boomin, The Weeknd leh 21 Savage “Creepin'” chu No.6 atangin No.5 a kai thar ve leh thung.