FIH Men’s Hockey World Cup kal mekah Thawhlehni khan 4-3-a Spain hnehin Aus-tralia chuan a tum 12-na atan World Cup last four an lut.
-- Advertisement --
He World Cup quar-ter-final match-ah hian Jeremy Hayward chuan champion tura rinkai Australia tan penalty corner atangin goal hnih a hlaplut a, Bhubaneswar hnehna an chan leh tak hnu hian a zawn zatin tum 12 zet FIH Men’s Hockey World Cup semi-final an chuangkai.
Kum 1986, 2010 leh 2014 world champion Australia hian Buenos Aires khaw 1978 tourna-ment hnu lamah khan World Cup semi-final vawi 11 an lut tling ta.
Thawhlehni quarter-final inkhelah Spain captain Marc Miralles chuan tihsual lian neiin, hun tawp hma minute li chiah awm tawhah 3-4-a an hnufual laiin penalty stroke atanga a hun tha neih a bawhpelh a, a chance hmuh kha goal-ah chantir thei ni se shootout hmangin semi-final luh beiseina nei zui thei tur an ni.
Tarlan tak angin, Australia tan Hayward chuan minute 33 leh 37-ah penalty corner atanga thunin, Flynn Ogilvie (30th) leh captain Aran Zalewski (32nd)-te’n field goal ve ve an tilut bawk.
Spain tan Xavier Gispert (20th), Marc Recasens (24th) leh Marc Miralles (41st)-te’n khung ve bawk mah se semi-final luhpuina tham a tling lo.
Vawiin semi-final match pakhat zawkah Australia chuan nimin quarter-final match result tarlan hman tak loha Netherlands leh South Korea chak zawk zawk an tum ang.
Mipa hockey world cup hnuhnung ber kum 2018-a Odisha bawkin a thlen tum khan Australia hian semi-final penalty shootout-ah Dutch-ho an hneh lo tawh a ni.