Miley Cyrus chuan Disney Legend award a dawng a, he award dawng thei naupang ber niin, hnukulh \euh chungin award dawn avanga lawmthu a sawi a, “Ka \ap thei takngial dawn. Disney Legend thuruk ka hrilh ang che u. Inhriat loh tur ka hrilh dawn che u a ni. Ka sawi duh chu, legend-te pawhin hlauh an nei \hin. Keipawh tunah hian ka zam hle a ni, mahse, a danglam ka ti tlang tho \hin, chutiang chu nangni pawhin nitin in ti thei a ni. Hlauh leh khur chunga kan ti tlang hram \hin hi ropuina chu a ni mai. Kan tum tlat chuan hlawhchham tih hian awmzia a nei ve lo,” a ti.
Miley Cyrus hian tleirawl kum 13 mi chauh a nih lai, 2006 khan Disney-ah Hannah Montana lem a chang \an a, he series hi 2011-a an tih tawp thlengin Hannah Montana lem a chang tluan parh a ni. Miley chuan, “Hannah Montana kha ka la chhuang reng, a chhan chu Miley kawng tam taka din chhuaktu a ni. He award hi Hannah leh a fans rinawm tak tak te leh ka duhthusam ram a taka a chan theihna tura min puitu zawng zawng pual a ni e,” a ti.
Miley chuan, “Hmeichhe naupang samlem buang hmang ve mai kha ka ni a. Mahse, ka thinlungah chuan Hannah Montana ka ni a. Ka inchhuang hle bawk. Thil tam tak a danglam tawh a, chutihrualin, engmah a la danglam tak tak chuang lo,” a ti bawk.
Miley Cyrus-in Disney Legend award dawng
Get real time updates directly on you device, subscribe now.