Sawrkarin zirna in ngaihsak tawk lo: AAP

Thingtlang khuaa sawrkar zirna in hrang hrangte harsatna a hmuna an en a\angin sawrkar zirna inte chuan ngaisak a hlawh lo bakah, a tlabal tak zet tih AAP Mizoram hruaitute chuan an sawi.
AAP Mizoram hruaitute chuan SCERT hotute an kawm thu sawiin, Sawrkar sikul zirna chungchang te, lehkhabu dawn kim loh chungchang te leh Mizoram a zirna in hma a sawn theih dan tur hrang hrangte an sawiho pui tih an sawi a. Tun thleng a zirlai naupangte’n lehkhabu an la dawng kim lo chu hriatthiam har an tih thu sawiin, sawrkar sikul a zirtirtu indaih lohna chuan naupang zirnaah harsatna a thlen nasat thu leh zirtirtute an hah thin thu an sawi bawk.
AAP chuan inthlan lo awm turah political party hrang hrangte chu mipuite hnenah hun tawite chauh daih hamthatna zawrh lo turin an ngen a. Mizoram mipuite pawh kan ram mamawh tak; hmasawnna tluantling beisei thiam a, chutiang pe thei tu tur party-ah rilru fim tak nena vote thlak turin an ngen tih an sawi.