Minister-in SIHM building tlawh

Sawrkar laipui Ministry of Tourism ruahman anga Mizoram Tourism department-in a taka function tura hma a lak mek State Institute of Hotel Management (SIHM) Bung Bangla ami chu Thawhlehni khan Tourism minister Robert Romawia Royte hoin MLA thenkhat bakah department hotuten an tlawh. Tunhnaia Tourism ministry-in cheng nuai 200 a sanction hmanga SIHM atana bungbel leh hmanraw lei tharte an enho bawk.

Tourism minister sawi danin, SIHM building sakna tur sum hi kum 2008- 2009 ah nuai 800 sanction a ni a, hun engemawchen hnu, sawrkar thar a din leh hnu kum 2019-ah SIHM danin a phut angin cabinet-in SIHM atan post 32 siamin a taka a function na’n tan a la zui a. Covid hrileng vanga harsatnain hmalakna a timuang chungin theihtawp chhuahna azarah hmanrua ngai turte lei a ni. Kumin chhungin eng course ber emaw tan beisei a ni.
SIHM-ah hian main building bakah mipa leh hmeichhe hostel pakhat ve ve a hrangin a awm a ni.