Minister leh MLA te niloin mipui hi hausa tur chu an ni – Lalsawta

Minister leh MLA-te chu ram tana thawk an ni a, an rawng bawlsak mipui zawk hi a hausa tur chu an ni tih Congress president Lalsawta chuan a sawi.
Thawh\annia Tuirial Block-II Congress Committee buatsaiha Bukpuia political training neih a hmanpuinaah MPCC president chuan ram tana thawk an nih avangin minister-te leh MLA-te chu lo rethei deuh mai se, an rawngbawl sak tur mipui hi hausa tur chu an ni, tiin a sawi. Tang puihna leh sawrkar \ha hmangin kuthnathawktute an chawichhuak dawn tia sawiin, “Khawvel ram changkangte neih ang ram leh mipui kan nei. Ram leh mipui hmang hian kan ram hi hmasawn tir kan tum a ni. Pathian min pek kan ram enkawl turin environment ngaipawimawh chungin ram hi enkawl a ni,” a ti.
Sum thiltihtheihna chu chhut chah a \ul tih a sawi a. Tuirial bial by election-ah candidate-ten sum an seng nasa tih chu politician-te leh mipui hriat dan a ni tlat tawh tih sawiin, “Tun a\anga kan inthlan hun hi thla 5 chauh a ni tawh. Sum leh paiah kan insum thei a ni. Miten Tuirial bial an sawichhiatna zawng zawng hi Congress party hian tih reh kan tum a, candidate-te sum sen tlemna bialah siam kan tum. Vawiina kan sual tum, inthlana sum hman tlem hi kan hneh ngei tur a ni. Hei hi kohhran leh MPF duhdan a ni a. Pathian leh a kohhrante duhdan anga kan kal dawn avangin an ni pawhin min pui ngei ang,” a ti.
Lok Sabha inthlanpuiah thil chikmite chuan Congress party-in sawrkarna chang turah an ngai tih Congress hruaitu hian sawiin, Mizoramah pawh ram leh hnam hmangaihtu, kan ram tana ke pen chhuak tur mi tha tak tak candidate an neih dawn avangin Congress a sawrkar dawn niin a sawi. Party dang angin candidate-ah buaina an nei ve dawn loa, inlungrual takin, ram leh hnam siamtha turin Congress a sawrkar ngei dawn, tih a sawi a ni.
MPCC treasurer Dr Lalmalsawma Nghaka pawhin \ang puihna hmangin kuthnathawktute dinhmun chawikang turin an inbuatsaih mek tih a sawi a. Mizoram siam danglam an tum a, Congress party-in sawrkar \ha siam an tum chu mipui nawlpuiin chu sawrkar \ha chu an chhawr dawn tih a sawi. “Mipui nawlpui ban phak, miretheite khaichhuaktu tur sawrkar Pu Lalsawta hoa din kan tum a ni,” a ti.