Tlawmngai pawl panga telna, NGO Coordination Committee chuan Manipur-a Zofate tawrhna thlavang hauhna lantirin June 23 khian Mizoram larsap chenna kawtah punkhawm an rawt a, Mizo zawng zawng tel turin an sawm.
Central YMA, MUP, MHIP, MZP leh MSU telna NGO Coordination Committee thukhawm thuchhuak chuan, Manipur tualchhung buaina vanga Zohnahthlakten in leh lo chan a, harsatna nasa tak an tawk mek chu pawi a ti takzet tih sawiin, ‘An tawrhna hrang hrangte kan tuarpuina lantirna tur leh an thlavang hauhna’n June 23 chawhma dar 11:00 ah Raj Bhavan hmarlam gate bulah thlavang hauhna hun hman kan tum a. Hemi hunah hian Mizo zawng zawngte tel vek turin kan insawm a ni,’ a ti.
District hrang hrangah Sub-Hqrs. YMA-te leh Lawngtlai district lamah Young Lai Association leh Siaha district lamah Mara |halai Pawl ten NGO dangte phungbawma sawmin he hun hi lo hmang turin NGOCC chuan an ngen a ni.
Zofate thlavang hauh dawn
Get real time updates directly on you device, subscribe now.