Minister Rinpuii’n tribal girls’ hostel building thar

Cheng nuai 200 senga sak Govt. T.Romana College, Tribal Girls’ Hostel building thar chu nimin khan social welfare & tribal affairs minister Lalrinpuiin a hawng.
Hostel hi Gov’t. T. Romana College Campus thlang, ITI venga college ramah sak a ni.
Minister Lalrinpuii chuan Gov’t. T. Romana college lo indin chhoh dan leh a bikin mi harsa zawkte tan malsawmna an ni thin chu ropui a tih thu a sawi a. Zirlaite chu mahni inthunun leh hun vawn dik thiam turin a fuih bawk a ni.
Tribal Girls’ Hostel sakna sum hi Ministry of Tribal Affairs hnuaia Special Assistant to Tribal Sub Scheme atanga lo kal a ni a. A sak hna hi December, 2019-ah tan a ni a. Covid vangin a khaihlak deuh a, October, 2023 khan sak zawh fel a ni. Building hi floor 3 niin, a pumpui zau zawng hi 587.84 sq.m a ni. Mamawh huna hman turin lift well pawh dah a ni bawk.