Minute 1 chhunga hnek tam record siam

Minute 1 chhunga hnek tam record siam
Pakistani Muhammad Rashid, kum 43, hi Guinness World Records-ah a mikhual tawh bik lo a, record 50 chuang a siam tawh a, tunah pawh record thar a siam leh ta. Minute khat chhungin vawi 386 a hnek hman!
He record hi June ni 1 kan Karachi, Pakistan-ah a siam a, record a siam thu hi official-in tun weekend kalta kan Guinness lamin an puang chauh a ni. Muhammad hian glove bunin, a hnek apianga ban tichar/mar at atin, minute khatah vawi 386 a hnek hman a, rang zeih zeih tak a ni.
Hetiang record hi nikum May thla khan a lo siam tawh a, chumi tum chuan minute khatah vawi 346 a hnek hman a, mahse, a record hi midangin an rawn khum leh nual tawh a. October 2024-ah Iranian Bahram Rohani Motlagh chuan vawi 369 hnekin a rawn khum a, November 2024-ah Italian Rocco Mercurio cuan vawi 356 hnekin record a siam ve leh a, April 2025-ah sap Joshua Iyalla chuan vawi 374 hnekin record a siam ve leh a, tunah Muhammad hian vawi 386 hnekin record a rawn siam leh ta a ni.
Muhammad, “Record siam tura ka inpuahchah laiin ka theihtawp bakah tlem a ngai tih ka ria a, hnek tin, second tin mai kha a pawimawh sia, ngaihtuah sawrbing a ngai hle a ni. He record siam hi a hautakna chhan chu ran (speed), thahrui leh insawrbing a ngai takzet a ni. Ka target chu vawi 400 a ni zawk a, a hautak em a ni,” a ti.