Minute 29 thaw loin awm thei!

Tui chhungah boruak hipna hmanrua hman miah lovin engtia rei nge i awm theih? Mi nawlpui hi chu second 30 atanga second 90 chhung vel thaw loin kan awm thei niin an sawi a, oxygen tel lo a minute rei vak lo kan awm chuan kan thi mai dawn si a, chuvang chuan thaw lo awm rei theih a ni tlat lo.
Mahse, freediver Vitomir Maricic chu tui chhung meter a thum a thukah minute 29 chhung thawkna hmanrua engmah hmang loin a awm thei a, Guinness World Record, tui chhunga thawkna hmanrua hmang lo a awm rei thei ber record a siam.
Croatian freediver Vitomir hi tui chhungah minute 29 leh second thum a awm thei a, record thar a siam a, a hmaa hetiang record chu Croatian freediver dang Budimir Sobat-a’n 2021-a a siam niin, Budimir-a record siam hi Vitomir hian minute 5-in a rawn khum thei tlat.