Pennsylvania a mipa naupang kum 9 mi, David Balogun chuan high school a zo ta a, he mipa naupang hian astrophysicist nih a tum niin a sawi.
David hian Harrisburg a Reach Cyber Charter School-ah pawl thum atangin a zir tan a, tunah chuan high school diploma a zo ta a, Bensalem-a an chenna in atangin online-in class a kal thin. David Balogun chuan, “Theihna ka nei tih ka hriat avangin hetiang hi tih ka duh a ni. Kan theihna te chu thil tha zawk atan kan hmang tur a ni dawn lawm ni,” a ti.
David hian karate-ah black belt nih tumin a bei mek bawk a, Bucks County Community College-ah semester a zo der tawh a, university thlengin beih zel a tum a, “Astrophysicist nih ka duh a, black holes leh supernova te hi zirchian ka chak a ni,” a ti.
David-a nu Ronya chuan an fapa hi a thluak a tha hle a, chu chu a thilpek dawn niin a sawi a, “Mipa naupang kum 9 mi a ni a, mahse, a thluak hian a kum phu lovin thil a hrethiam a, ka hriatthiam ve phak loh thlengin a hrethiam a ni,” a ti.
Mipa naupang kum 9 miin high school a zo
Get real time updates directly on you device, subscribe now.
Next Post