Miss Mizoram thlang leh dawn

Zonet bultumin Miss Mizoram thlan a ni leh dawn a, a hun atan April, 2024 tinzawn a ni a, thil tul leh pawimawh dang te chu a buatsaihtu te hian an lapuang leh dawn a, tunah chuan Miss Mizoram thlan tur thu hi an puang hmasa phawt a ni.
Miss Mizoram thlan hnuhnun ber chu 2020 kha niin, COVID-19 kan hmelhriat tan tir lam kha a ni a, Miss thlan boruak pawh a nih tur ang a ni pha ta lo deuh kha a ni. Tunah chuan boruak zangkhai zawk hnuaiah Miss Mizoram thlan hi a kalpui theih tawhin a rinawm a, Zonet chuan he beauty pageant a tel tum nula te chu tun atanga lo inbuatsaih tan tura sawmin, a thlan dan tur leh thil pawimawh dang te lo ngaichang turin an ti nghal a ni.
Tun hi Zonet bultuma Miss Mizoram thlan vawi li (4)-na tur a ni dawn a, Miss an thlan hmasakah boruak tha tak neiin, show changtlung takin buatsaih thin a ni a, tun tumah pawh hian a hmasa lama Miss thlanna an lo kalpui tawh aia changtlung zawka kalpui leh an tum dawn a ni.