Mizo hnam humhalh a tulnaah ZPM sawrkarin beisei a pha lo – Robert Romawia

Mizo hnam humhalh a tulnaah
ZPM sawrkarin beisei a pha lo
– Robert Romawia
Mizo hnam humhalh a tulnaah mipui beisei angin ZPM sawrkarin hma a la lo tih MLA Robert Romawia Royte chuan a sawi.
Thawhtannia MNF office-a inkhawmah MNF Thalai president Robert Romawia chuan, ZPM sawrkarin Mizo hnam issue pawimawh tak tak a ngaihthah tih a sawi a. Mizoram leh Myanmar inkara zalen taka inkalpawh phalna hlih, Myanmar ramri hung, thenawm ram leh state atanga Mizo raltlan ngaihven, Assam nen ramria sawrkar anga Mizo hnam humhalh a tul em em laiin ZPM sawrkarin mipui beisei angin hma a la lo tih a sawi. Chief minister-in vairam media thleng thlengin dawih aw a chhuah niin a sawi bawk.
Mizo khaw hlun, Phuldungsei khuaa mi 85, Mizoram ration card atanga ZPM sawrkarin a paih chhuak phei chu a serious takzet tih a sawi a. Phuldungsei khuaa India ram dan anga an ration card leh Aadhar card online-a link vek tawh a ni, tiin, sawrkar chu an Aadhar card nen an ration card nen online-a zawm leh thuai turin an phut tih a sawi.
Tunlaiin dawt leh thudik famkim lo a lengvel nasa tih Robert Romawia hian a sawi a. Assembly Session-a MLA-te zawhna minister Pu C Lalsawivunga chhanna chhiar chhuakin, PMJVK atan sawrkar laipuiah project vaibelchhe 2186.77 thehluh a ni a, Sports department leh ICT department chauhin sum vaibelchhe 420 vel a hmu tih a sawi. SASCI chungchanga zawhna pawh PWD minister Vanlalhlana’n SASCI hnuaiah dan dik loa hna inpek a awm lo, tia a chhan thu a sawi a ni.
MNF MLA hian Sinlung Hills Council (SHC) inthlanah MNF party-in candidate tha tak tak an neih avang leh ZPM sawrkar chet danin mipui beisei a phak loh avangin MNF tan sawrkar siam ngei a beiseiawm tih a sawi a. SHC mipuiin MNF vote vek turin a sawm