Mizo Talent 2025 Top 10 result puang
LPS Vision Production buatsaih “Mahindra XUV 3XO Mizo Talent 2025” chu nizan hmasa khan Top 10 result an puang ta, top 10-a mi 10 tling te bakah intihsiakna la hmachhawn zel thei turin wild card hmangin mi pali an tling bawk. Top 10-a tling ta hi August ni 21 zanah an intihsiak leh dawn a ni.
Mizo Talent 2025 Top 30 intihsiak chu August ni 14-16 khan LPS Arena, Falkland-ah neih niin, heta tanga intisiakna a la tel chhunzawm zel thei turte hi Thawhtanni zan khan puan an ni a, top 10 bakah judge ten wild card hmangin midang pali an thlang chhuak bawk.
Mizo Talent intihsiakna sang hi LPS Arena-ah bawk neih chhunzawm a ni dawn a, zan khatah mi 14-te hi an inlan nghal vek ang. Show hi LPS 1-ah live-a pek chhuah a ni leh ang a, LPS Vision YouTube channel-a live chu member tan a en theih dawn a, a hmunah mipui tan a chhim theih dawn bawk a ni.
Intihsiak hmachhawn tur zingah hian Lam thiam ngaihzawn rawn Kolasib nula Lucy-i chu mipui beisei ang ngeiin a tling leh a, Nalzawl rawlthar phenglawng tum thiam Rinawma pawh a hmel kan hmu leh dawn a, ventriloquist Lalawmpuia, Ramhlun North pawh a in lan leh dawn bawk.
TOP 10 TE :
Aizawl Breakerz
Jacob Lalhmingmawia
Lucy Lalthazuali
Lalawmpuia Tochhawng
Lalrinawma
TG Reeds
Team Unknown
Vanlalhlupuia
Zomuani
2MG (2 Magician)
WILD CARD:
Margareth Malsawmzuali
Lalrintluanga
Dp-i
Elisha Lalramdina