Mizoram State Cooperative Marketing & Consumers Federation (MIZOFED) chuan Thawhlehni khan annual general assembly vawi 26-na an hmang a. Heta tarlan danin sawrkar kum kalta chhung khan hlawkna cheng nuai 160 chuang an hmu.
Hmanpuitu Co-operation minister PC Vanlalruata chuan Mizoramah cooperation movement tha leh chak taka kalpui theih nise, ram siamthat leh hmasawn nan hmun pawimawh tak a luah thei tih a sawi a. Sawrkar laipui pawhin cooperation movement hi ngaipawimawhin kum 2019 atang khan Ministry of Agriculture atanga lachhuakin ministry hranin a din a, ramchhung state tam takah miretheite khaichhuah nan leh eizawnna atan society-te hman an ni mek tih a sawi.
India hmarchhak state pahniha National Cooperative Development Corporation (NCDC) office hawn tharnaah Mizoram a tel tih sawini, Mizo thalaiten a hma aiin cooperation movement tuipui a, eizawnna tlak a ni tih hria in, NCDC kaihhruaina hnuaiah society-te tihchangtlung a nih deuh deuh theih nan tanruala tih takzeta thawhho a tul tih a sawi a ni.
Hmanpuitu dang MLA VL Zaithanzama bakah Cooperation registrar R Lalremsanga leh MIZOFED interim managing director Rinzuala te pawhin thu an sawi a ni.
MIZOFED annual report-a a lan danin, tunah hian thawktu 171 an awm a, sumdawnna hlawm lian pathum kalpui mek niin, chu’ng atanga kum kalta 2023- 2024 chhunga hlawkna (net profit) an hmuh chu Rs. 1,68,21,485.07 a ni.
MIZOFED-in nuai 160 chuang hmu
Get real time updates directly on you device, subscribe now.