MIZORAM HI AGRICULTURE HMANGA INTODELH VE TUR CHUAN KAN LA HLAT DEUH
By F. Vanlalpeka
IMCS Aizawl
Khawvelah hian Agriculture hmanga hmasawnna leh intodelhna thu hi a sawi thiam leh hrechiang inti kan tam khawp mai. Chaichim rorel ang mai kan la ni thung.
Mizoram mipui tam ber 75% tana Agriculture hmanga intodelh tura kan kal tawh dan, kan kal mek dan leh kal zui dan tur atang hi chuan “bei nge sei Run dung”, dinhmunah kan la ding chho zel dawn chu a nih hi!
State Sorkar Agriculture Department atanga intodelhna tur thu hi chu sawi tawh lo ila, Sorkar laipui atanga Agriculture hmanga intodelhna kalpui tur pawh hian State Sorkar Agriculture department tho kha an ni.
Agriculture Sector hrim hrim atanga intodelhna kalphung lah hi Aizawl atanga Saiha kal turin Aibawk hmuna la awm ang vel kan la ni. Mizoram sorkar mek thlaktu tura kan lo beisei, ha hipa kan aupui, “Thlai thar hralhna kalphung thar” kan tih ber te lah a tak ram tur awm chuang lo. An tinzawn dan atangin Agriculture Sector atanga intodelh turin an thelh nghal. 40% chiang takin an sawi a, 60% erawh an sawi thei lo.
Agriculture hmanga Mizoram intodelhna kalpui dan tura kan insawi dan leh kan kal dan tura kan tinzawn dan en hian kan thelh zui zel.
Agriculture Sector Development hi Sorkar department kalpui tur atan chauhva ngaitu kan la tam hle mai a. Agri-based atanga tharchhuah tur ber Items kalpui dan turah kan la thelh tluang zel a. Chuvangin, Mizoram atanga Agriculture hmanga Intodelh tak tak tur chuan Agribusiness criteria kalpui a tul tak zet.
Central sorkar leh State sorkar, State Sorkar Department atanga ram mipui intodelhtir tuma MLA kan tanchhan chhung chuan engmah kan nih a rinawm lo. MLA thlan tlin inchuhna boruak leh Agriculture hmanga Intodelh tum hi chu a kawng a la thui hle a, kan thlen hmain MLA term a tawp hman zel.
Ram rorelna chelh tum te hi chuan ram mipui hnena Agriculture hmanga Intodelhna thu hi chu a ngai te bawka aupui chi a ni tawh lo. Ram mipui pawh hian an ngaithla kham deuh tawh. Chutih rualin, Kut hnathawktu te rilru beidawng ngaihtuahna pawh hi a hrisel tawh lo.