‘Mizoram Leiba ngah ber anga tlangau mekte hian sawi duh chin an nei’

Zirtawpni khan MNF-in Mizo Hnam Runah chhung inkhawm an nei a, he huna thusawitu J Malsawmzuala Vanchhawng, Adviser, MNF & Vice Chairman, MNF Publicity Board chuan tunlai hian opposition party \henkhatten Mizoram sorkar chu sum hmang thiam lo leh chumi avanga leiba nghah ta em em angin an tlangau mek a, sawi duh chin an nei a ti.
“Bat loh theih chu a \ha ber a, chutih rualiin sum pek turte hi budget kan pharhah a inbelh tel sa vek a. Kan sum hmuhna tur hrang hrang, central a\anga kan dawn \hin Share of Taxes, Post Devolution Revenue deficit grant bakah loan hrang hrang turte chhut sa vek a ni a, GSDP atanga chhutin chhinchhiah fel sa vek a ni,” a ti.
Sorkar hnathawk hlawh pek chungchang sawiin, central sorkarin sum pek chhuah danah ruahmanna thar a siam tak avangin thil a la inher fuh lo niin a sawi a, central sorkar hian CSS hnuaia sum a rawn pek \hin te hi ni 21 chhunga pek chhuah zel tur a lo ni ta a. Sum kalhmang tih danglam a nih tak avanga kan harsatnate hi kalphung pangngai zawh chho tura hmalak mek a ni a, tuna kan dinhmun angah hi chuan tu sorkar tan pawh harsatna hi pumpelh theih a ni lo, a ti.