Mizoram Police-in lirthei chi hrang hrang 730 vel a nei a, heng zinga zaa 30 vel chu hman hleihtheih a ni lo tih Home minister Lalchamliana chuan a sawi.
Hero MotoCorp-in an corporate social responsibility scheme ‘Hero We Care’ hnuaia Mizoram Police hnena motorcycle /bike 100 an pek chu Nilaini khan inhlanchhawn a ni a. He hun hmanpuitu Home minister Lalchamliana hian Police department lirthei neih dan dinhmun hi sawiin, “Police station hrang hrangte mamawh ang kan pe mai thei lo hi hrehawm ka ti a. Heng bike 100 hian kan chetvelnaah awlsamna nasa tak min thlen ka beisei,” a ti. Lawmthu a sawi rualin, a hmangtu police-ten dim leh duat taka hmang turin a chah a. Heromotocorp chu Mizoram mipuiin duhsak let ve turin a ngensak bawk.
Mizoram Police chu lirthei bakah housing quarters lamah pawh an pachhe hle tih Lalchamliana hian a sawi a. Mawhphurhna a lak tirh atangin hemi kawngah hian theihtawp an chhuah a, project an siamte beisei ang an la hmu thei chiah rih lo tih a sawi a ni.
Bike 100 hi cheng nuai 79 man a ni a, hmeichhia leh naupangte an harsatnaa puihnana hman tur a ni. Mizoram Police unit tin hnenah an mamawh dan ang zela sem rual sa niin, pek chhuah nghal a ni.
Mizoram Police lirthei neih zaa 30 vel hmantlak vak loh
Get real time updates directly on you device, subscribe now.
Prev Post