Mizoramah I-Day lawm dawn

August 15 – Independence Day vawi 78-na chu ram pumah lawm a ni leh dawn a, Mizoramah pawh hmun hrang hrangah lawm a ni dawn.
A lawmna pui ber chu Aizawl Sipai Lammualah zing dar 8.00 atangin tan a ni anga, chief minister Lalduhoma chu khuallian a ni ang. Hnam puanzar pawtparhin parade contingent-te a endik anga, an chibai bukna chhangletin march past neih a ni ang. Chief minister hian I-Day thuchah a sawi anga, National leh State Award hrang hrang a sem anga, parade contigent-te hnenah lawmman a hlan ang.
Mizoram sawrkar chuan he hun hmang tur leh a hmanna hmuna tel theuh turin khua leh tui zawng zawng a sawm a. A bikin sawrkar hnathawkte chu Independence Day lawmna programme-a tel ngei tura hriattir an ni.
Lammuala programme zawh hnu chawhma dar 11-ah sawm bikte tan Raj Bhawan-ah Governor’s At Home a awm dawn a ni.