North East Zone Cultural Centre (NEZCC) leh Mizoram Art & Culture department chuan hnam inpumkhatna leh hnam ziarang chawilarna programme an buatsaih a. He hun hmanpui tur Nagaland larsap La Ganesan chuan Thawhtanni khan Mizoram a rawn thleng.
Dimapur Nagaland-a hmunpui nei NEZCC leh Art & Culture Department tangdun huaihawtin October 22 & 23 hian CIJWS Vairengte leh Vairengte Joint YMA Field-ah hnam inpumkhatna leh hnam ziarang chawilarna programme ‘Bharat ko Jano’ hman a ni dawn a. NEZCC chairman, Nagaland larsap hi khuallian a ni dawn a, Mizoram larsap Dr Hari Babu Kambhampati chu khualzahawm a ni ang.
Larsap La Ganesan hian Thawhtanni khan CIJW School Vairengte a thleng a. Kolasib district bawrhsap Robert C Lalhmangaiha leh Kolasib superintendent of police David Lalthangliana ten lo dawngsawngin thilpek an pe a, larsap hi Thawhtanni zan khan CIJWS ah hian a riak a ni.
Bharat ko Jano-ah hian Assam, Nagaland, Tripura leh Mizoram atangin hnam lam chi hrang hrang an entir dawn a ni.
Mizoramah Nagaland larsap
Get real time updates directly on you device, subscribe now.
Prev Post
Next Post