MLA-in Sub Centre tlawh

MLA-in Sub Centre tlawh
Aizawl North-II bialtu MLA Dr Vanlalthlana chuan Zirtawpni khan a bial chhung Sub Centre leh Library a tlawh.
MLA Dr Vanlalthlana hian a bial chhung Sub Centre hi kum hmasa lamah tlawh tawhin an mamawh thenkhat an sawite tihhlawhtlin tumin hma a la a, tun tuma a tlawh hian MLA fund atanga Sub Centre mamawh a lei thenkhat, HB enna, BP enna, dopler (naute lungphu enna) leh inbukna a hlan a ni. Nu naupai leh inentir tur ten hospital an pan hmaa tangkai taka an chhawr theih tura Sub Centre thawmthat a nih theihna’n a theih chin chinah hma a la zel dawn tih a sawi a ni.
Hei bakah hian MLA fund hmanga din, Ramhlun Vengthara Specialised Library pawh tlawh nghalin, zirlaite tana tangkai tur lehkhabu, Vajiram and Ravi etc leh Vision IAS Coaching Centre note engemawzat a hlan nghal a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More