Mizorama sawrkar tawh leh sawrkar mekin Mamit district chu an ngaihthah thin avanga district hnufual la ni reng Mamit district chu model constituency-a siam an tum dawn tih BJP Mizoram hruaitu Malsawmtluanga chuan a sawi.
Mamit bial hmun thenkhat a tlawhnaah BJP Mizoram general secretary chuan Mamit district chu district hmasawn leh changkang ni thei ni mah se, Mizorama sawrkar tawh leh sawrkar mek ten an ngaihthah thin avangin district hnufualah a la tang mek tih sawiin, ‘Hemi lak atanga kan chhuah theihna turin BJP Mizoram chuan development party kan nih angin, Mamit bial hmasawnna turin hma kan la dawn. Inkalpawhna kawng tha kan neih theihna’n leh central tha chakna hmanga miretheite khaichhuahna tur programme hrang hrang a nihna anga kan hman theihna’n hma kan la dawn a, Mamit bial hi model constituency-a siam turin hma kan la dawn a ni,’ a ti.
Mizoramah MLA inthlan dawn apiangin thudik tawk lo hmangin an elpui party-ten an bei fo thin tih Malsawmtluanga hian a sawi a. Nimahse Pu Modi a Prime minister tirh atangin India ramah Kristiante tihduhdah an nih thu vawiin thlengin hriat a la ni lo tih a sawi a ni.
Model constituency-a siam tum
Get real time updates directly on you device, subscribe now.
Next Post