Morgan Wallen ‘One Thing at a Time’ kar 10 a No.1 ta
Morgan Wallen ‘One Thing at a Time’ kar 10 a No.1 ta
Morgan Wallen album ‘One Thing at a Time’ chu Billboard 200 (albums) chart-ah a No.1 a, he chart-a kar 10 a No.1-na a ni ta, a album hmasa, 2021-a a tlangzarh ‘Dangerous: The Double Album’ No.1 ang zat chiah a No.1 tling ta a, hdeti hian Wallen hi mipa soloist zingah he chart-a a kar 10 chin No.1 thei album pakhat aia tam a zawna nei thei hmasa ber a ni a, mipa soloist chauh ni loah chuan a pangana niin, hetiang tithei zaithiam dang te chu Adele, Whitney Houston, The Monkees leh The Kingston Trio te an ni.
A zawn ni kher lova mipa soloist album pakhat aia tam kar 10 chin No.1 theiah chuan mipa soloist-ah Wallen hi pathumna niin Elvis Presley leh Henry Mancini te hnung a zui a, hei bakah hian Mrogan Wallen hi he chart-a country album pakhat aia tam kar 10 chin No.1 nihpui thei awm chhun a la ni bawk. Country chauh ni lo, a zawna ni kher lo a he chart-a kar 10 chin No.1 ni thei album pakhat aia tam nei tawh zingah The Beatles leh Taylor Swift an tel bawk.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album tlukpui leh album-a hla mal hralhna atanga album tlukpui te belhkhawm thin a ni.
Morgan Wallen ‘One Thing at a Time’ hi kar khat chhungin 1,41,000 an hralh leh a, chung zinga 1,34,000 chu streaming atanga album tlukpui (on-demand official stream maktaduai 179.33) niin, album tak tak hralh zat chu 5,000 a ni a, album-a hla mal hralhna atangin 2,000 a tling thei bawk a, hei hi chart-ah a No.1 pui leh ta a ni.
Ed Sheeran album thar – (Subtract) chu 1,12,000 hralhin No.2-ah a debut a, chung zinga 81,000 chu album tak tak hralhna niin, streaming atangin 29,000 (on-demand official stream maktaduai 38.43) niin, album-a hla mal hralhna atangin 2,000 a tling thei bawk. He album hi Ed Sheeran album zingah he chart top 10 kai thei parukna a ni.
Chart No.1 hlui Taylor Swift ‘Nidnights’ chu 60,000 hralh lehin No.3-ah bawk a la awm a, chart No.1 hlui bawk SZA ‘SOS’ chu 54,000 hralhin No.4-ah bawk a la awm a, Morgan Wallen ‘Dangerous: The Double Album’ pawh 49,000 hralh lehin No.5 a la ni bawk.
Korean pop girl group LE SSERAFIM album thar ‘Unforgiven’ chu 45,000 hralhin No.6-ah a debut a, an group album he chart-a top 10 kai thei hmasa ber a ni.
Chart No.1 hlui Taylor Swift ‘Lover’ chu 37,000 hralh lehin No.10 atangin No.7 a kai thar leh a, chart No.1 hlui tho Bad Bunny ‘Un Verano Si Ti’ chu 36,000 hralh lehin No.11 atangin No.8 a kai thar leh a, Luke Combs “Gettin’ Old’ chu 36,000 tling lo deuh hralh lehin No.7 atangin No.9-ah a tawlh a, chart No.1 hlui Metro Boomin ‘Heroes & Villians’ chu 34,000 hralh lehin No.9 atangin No.10-ah a tawlh ta bawk.