MP-in cheng vaibelchhe 100 chuang sawi chhuak

MP-in cheng vaibelchhe 100 chuang sawi chhuak
ZPM chuan thuchhuah siamin, Mizoram Lok Sabha MP-in kawng siamna tur cheng vaibelchhe 100 chuang a sawi chhuak niin an sawi.
January ni 12 khan Lok Sabha MP Richard Vanlalhmangaiha’n ministry of road transport and highways secretary V Umashankar a kawm a, Mizorama National Highway 6 Kawnpui leh Sairang inkar kawng thawm that mek hna a muam thu a thlen a, fur hmaa zawh a nih theih nana hma la turin a ngen a, secretary hian chak taka hma a lo lak tur thuin a lo chhang, ZPM thuchhuah chuan a ti.
MP ngenna avangin Performance Base Maintenace Contract (PBMC) Champhai to Zokhawthar cheng vaibelchhe 38.22 te, Lawngtlai to Zochachhuah cheng vaibelchhe 109.58 te, One time Improvement Champhai to Zokhawthar atan cheng vaibelchhe 10.33 te pekchhuah nghal a ni a, project danga senso tur pawh sanction mai tura hmalak mek a ni, an ti.