Parliament Session neih mekah K. Vanlalvena, MP chuan NIT Mizoram Permanent Campus dinna tura Forest Clearance neih loh avanga hnathawh kallai mek thawh chhunzawm a nih theih loh chungchang zawtin, NIT, Mizoram hmasawnna tura hma a la chu Science Teachers Association Mizoram (STAM) chuan lawmawm a ti hle.
NIT Mizoram chu kum 2010 a din tawh niin thuneitu ten an ngaih pawimawh tawk loh thin avangin a dinhmun a tlabal in a din rualpuite a pha lo nasa hle tih an sawi a. Lengpuia an Campus tur pawh a ram luah tur chin chungchangah buaina a awm avangin, building sakna tur leh infrastructure hrang hrang siamna tur sum, cheng vaibelchhe tel teh meuh hman theih lovin hun rei tak a tang mek a, a uiawm tak meuh thu an sawi bawk.
India sorkarin a bik taka a enkawl NIT chu tun dinhmunah India ram pumah 31 chauh a awm a. Zirna in changkang leh tha tak neih anih theih nan STAM chuan nasa takin hma a la thin tih sawiin hemi kawnga MP hmalakna chu an thlawp tih an sawi. NIT tha neih hlutna leh pawimawh zia chu thuneitute leh mipuiten hriain, Campus dinna kawnga harsatna awm hrang hrang te sut kian thuaithuai a nih theih nana chak taka hmala turin STAM chuan thuneih tute a ngen a bawk a ni.
MP K Vena hmalakna-ah STAM lawm
Get real time updates directly on you device, subscribe now.
Next Post