MRB-in Police-te thilpek hlan

Kolasib District SP office hnuaia inter-state checkgate leh border police post thenkhat tan CSR (corporate social responsibility) kaltlangin Mizoram Rural Bank chuan mamawh hrang hrang an hlan.
MRB chairman Sheryl L Vanchhong chuan heng thil hi Ningani khan a hlan a. Inter-state checkgate pali – Vairengte, Bairabi, Phaisen leh Saiphai tan generator set 3 kVA theuh. Generator hi an OC theuhten an dawng.
Border police post pasarih – Dara Huan, Aitlang-I, Aitlang -II, HS Tuikhuah, Aitlangpui leh Chawilung Mautuizau tan an tui mamawh lakna atan tui pump khawl 1HP theuh an hlan a. 1st IR Bn Mualvum commandant-in duty post-te aiawhin a dawng bawk.
MRB chairman chuan police leh defence force-te Zoram mipuiin an thlamuanpui tih sawiin, bank-te tana an service a hlutzia a sawi a. An tana thil engemaw ti theia MRB a awm chu lawmawm a tih thu a sawi. Mizoram hmun hrang hrangah MRB-in branch 104 a neih avangin state mipui tan a tangkai a, police/force mite hmun kilkhawr ber thlenga awmte tan pawh hman tangkai theiha an awm thu leh, nasa lehzual MRB chhawr tangkai lturin a sawm a ni.