MSACS-in thawhpui lawmpui
MSACS-in thawhpui lawmpui
Mizoram State AIDS Control Society (MSACS) chuan a thawhpui pawl zinga sum hman leh enkawl kawnga titha zual mi pathum hnenah lawmpuina a hlan.
Zirtawpni khan MSACS hotute chu an project director Dr Jane Rinsangi Ralte kaihhruaiin National AIDS Control Program (NACP) hnuaia a thawhpui NGO 25 aiawh, targeted intervention 36-a project director-te leh link worker scheme 8-a project director-te nen hun an hmang hoa, HIV/AIDS chungchanga Mizoram dinhmun leh hmalakna tur sawihoin, infuihthar a ni.
MSACS-in a thawhpui NGO, financial management-a titha zual pathum – JERACOM (IDU project) Darlawn, Samaritan Society of Mizoram (migrants project) Mamit leh Zoram Driver’s Union Ramthim Board (IDU project) Seling hnenah Dr Jane Rinsangi Ralte hian lawmpuina certificate a hlan a ni.
MSACS project director chuan an thawhpui NGO-ten hna an thawh that avanga tun dinhmun thleng thei an ni, tiin lawmthu a sawi a. HIV/AIDS ah Mizoram dinhmun tha lo mah se, zawi zawia hma kan sawn zel thu sawiin, mahni hmazawn theuha tih turte tha thlah loa thawk zel turin a sawm a ni.
MSACS hian program hrang hrang a enkawl leh a thawh dan inhrilhchian a ni a, MSACS-a head of Division ten hma an lak dan an sawifiah a ni.