MSC siksawi huk hi inlulin lantirna a ni – MNF

Tunhnaia sawrkarin Mizoram Civil Service mi 100 dawn a ruala a sawnkual chiam chu thil tha lam aiin inlulin lantirna leh duhsak zawngte vohna lantirnaah an ngai tih MNF party chuan an sawi.
MNF Gen. Hqrs. thuchhuak chuan, 2024 June 14 khan chief secretary hnuaia hotu sang mi 31 hna chanpual siksawi sak burh an ni a, hemi ni vek hian MCS senior leh junior grade 28 leh junior administrative grade (JAG) 18 transfer order chhuakin, an ni rual hian MCS supertime grade A & B leh selection grade 21-te department awmna siksawi a ni bawk tih a sawi.
Hetianga tumkhata in-transfer nasat leh siksawi nasat hi a thlen vawikhatna niin, sawrkar inluling, a hnuaia thawkte chunga lalna na taka lantir kan hrawn mek a ni tih lantirtuah MNF chuan a ngai tih a sawi a ni.
‘Kan ram hmasawnna tura an tha leh zung, ngaihtuahna nasa taka sengtu, sawrkar neitu berte tia chhal ngam rual chunga Pu Lalduhoma kaihhruai sawrkarin, tunhmaa la thleng ngai lo, nasa taka tum khata a thehthang kual dan hi a demawm a, hna thawk tak tak tura an zeizia zira insawnkual mai leh an senior dan azira an thutna tur hmun awm insiamrem satliah ni loa, thiltithei an nihna na taka lantir pah a, an duhsak zawngte vohna hun remchang langsar takin an lantirah kan ngai a ni,’ a ti.
An hnathawh kawnga senior zawkte thutna hmun tura ngaiha a ni lo zawk thuttir leh vawi leh khata officer rual 100 dawn chettir huk chuan ram tan thiltha a herchhuah pui a rinawm loh a, duhdah taka chin phar an nihna kan officer rualte leh an chhungkhatte rilru nasa takin a hliamin a rinawm tih MNF hian a sawi a. Hetiang kalphung hi thleng nawn tawh lo se a duh tih a sawi a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More