School-ah hriselna lama hmalakna atan inzir tan

Sawrkar laipui ruahmanna in, zirlaiten rilru leh taksa hrisel an neih theihna atana an school luhnaa tih tur tul chu an zirtirtute leh school hotute hnenah hrilhhriat a ni dawn a. Hemi atan hian Aizawl district bik tan school headmaster-te chu Thawhlehni atang khan zirtirna bul tan pui an ni.
He ruahmanna – School Health & Wellness Programme (Ayushman Bharat) hi sawrkar laipui Ministry of Health & Family Welfare hnuaia Department of School Education & Literacy leh Ministry of Education tangdun hmalakna a ni a. Middle school atanga higher secondary school-a zirlaite tan duan niin, sawrkar ta leh sawrkar puih school-ah kalpui mek a ni. He program hnuaiah hian Health & Wellness ambassador atan school tinah zirtirtu pahnih (mipa leh hmeichhia) ruat an ni a, a tlangpuiin technology lama thiamna nei deuh bik an ni. An ni bakah hian school principal/ headmaster te pawh training pek an ni ang.
Aizawl district tan bik School Health and Wellness Programme atana headmaster training hi Thawhlehni khan SCERT leh DIET ah hawn a ni a, kumin August 16 thleng neih tur a ni.
SCERT-a training hawngtu SCERT joint director Dr Lalduhawmi Thomte chuan, School Health Programme-in a tum zinga pawimawh leh he training module chhunga thu pawimawh awmte a sawi a. Mizoram chu ruihhlo kalkawng a ni chho zel a, school naupang tam tak damdawi hmansual laka chhanhim theitu chu school-a zirtirtute an ni tih a sawi. SCERT-in drug demand reduction, child rights leh cyber safety inzirtirnaah school health programme hmanga hma a lo lak tawh a sawi a ni.
SCERT project coordinator Laldampuii sawi danin, School Health Programme hi Champhai, Lawngtlai, Lunglei, Mamit leh Siaha district ah kalpui a ni tawh a, school 683 a huam tawh a ni. Health & Wellness ambassador atan zirtirtu 1175 in an train chhuak tawh. He programme hi MSACS leh SCERT tangdun hmalakna in private school-ah kalpui a ni bawk.

-- Advertisement --

School Health & Wellness Programme tum langsar zual:
# Zirlaite an kum mil tawka hriselna leh eitur tha chungchang hrilhhriat
# Nungchang tha leh mawi chawisan
# Naupang leh tleirawlte natna/ harsatna rang taka hmuhchhuah leh enkawl
# Tui thianghlim in thin tura zirtir
# Hmeichhe thanthi nei chungchanga zirtirna
# Infiamna chawisan

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More