MSCU-in khawmpui hmang

Mizoram State Cooperative Union (MSCU) chuan Ningani khan Aizawlah Annual General Assembly vawi 34-na an hmang.
He hun hmanpuitu Rural Development minister Lalruatkima chuan MSCU chu Mizorama cooperative society hrang hrangten thawhhona tha an neih theihna’na a khaikhawmtu pawl pawimawh tak a ni, tiin, ram sum dinhmun siamthatna kawnga cooperative society-te pawimawhna hria in sawrkar laipui pawhin ministry hran ‘Ministry of Cooperation’ a din tih a sawi a ni.
Mizo nun zemawi – huaisenna, rinawmna leh taimakna chu society movement-ah tangkai taka sengluh theih a nih thu leh cooperative society-te hmasawnna atan thawhona tha a pawimawh thu te a sawi a. Khawvel hmasawnna in a ken tel thiamna chhuak thar pawh hmangthiam tura an rilru hawng ve zel turin a fuih bawk.
MSCU hi Aizawl District Assistant Registrar of Cooperative Societies enkawlna hnuaiah 1975 March 29 khan din niin, hnathawh dan kalphung duang a, kaihruaitu leh a tul anga hma la tu atan Board of Directors (BoD) din a ni.