MSCW hotu in ministry dawr

mmission for Women chairperson C Lalchhandami chuan Thawhlehni khan Delhi-a Ministry of Social Justice and Empowerment joint secretary Radhika Chakravarthy hmuin mamawh hrang hrang a sawipui.
Mizorama hmeichhia, ruihhloin a tihbuaite leh rahbi tleu laklawh avanga mahni taksa zuar hial ten lei rem an rah leh a, kawng dik an zawh leh theihna tur leh anmahni intunnunna tur bakah an pasal/pa ten ruihhlo an tih nasat avanga an boralsan hmeithai leh fahrahte intunnun (rehabilitate) na tur MWCW chairperson hian a sawipui.
Mizoram Women Commission chu theihtawpa puih a tum thu Radhika Chakravarty hian lo hrilhin, ministry-ah rawtna siama thehlut turin thurawn a lo pe. Mizoram Women Commission chu state action plan hnuaia intatlut tur leh chutah chuan project thar tam tak dil theih a awm thu a lo hrilh a, amah ngei pawh Mizorama lokal thuai a tum thu a hrilh bawk.
Joint secretary a hmuh zawh hian Ministry of Social Justice & Empowerment director chu a office-ah a hmu leh nghal a, director pawh hian Mizoram Women Commission chu a theih ang anga kawng tinrenga puih a inhuam thu a lo hrilh a ni.