MSL 11: Big 4 Club – What? Zemabawk BC coach Sangpuia bukin a awm!
MSL 11: Big 4 Club
– What?
Zemabawk BC coach Sangpuia bukin a awm!
Hawla Indoor Stadium, Republic Vengthlanga khelh mekah game khelh hnem a ni tual tual a, nikum MSL X semi finalist, big 4 club kan tih te dinhmun a inang lo ta nuai – big 4 club hi an awm chiah em tih zawhna a awm tan ta!
Khatla TBL Vs
Zemabawk BC
Chak lo va bul tan Khatla TBL game a nung tawlh tawlh a, semi finals kawngkapuiah an dak lut ta hial! Zemabawk BC laka an khelh dan en in MSL 11 nomawi an captain |hazuala hovin an ban ngam tih a chiang.
Zemabawk BC in risk an la a, MSL X a ZBBC bad boy Perkins Jr. aiin Mizo zingah mingo no tak mai an chah chhuak a, beisei a pha lo – taksa lamah harsatna a nei! Hei hian an head coach Sangpuia game plan a ti fuh thei lo! A zawnin team 3 lakah an tlawm a, player rotation chiri anga lang lakah head coach bukin a awm phah bawk.
Khatla TBL in ZBBC hi 1st qurter-ah an chai hlei thei bik lo va; 2nd quarter-ah erawh thawnthu a dang lam a, TBL in he inkhelah hian ro an rel zui.
ZBBC player Lma (27 pts) hlu teh mah se TBL star player |hazuala (21 pts) captain-na hnuaiah an dam kim a, squad kimin an khel bawk.
Hun tawp ham rik rualin 96 – 79 in TBL an chak, hna harsa inkhelh chhungin an tawk meuh lo!
Hoops Mania
Timeout
Zanin inkhel tur hian ZBBC leh Saron BC hma lam hun a hril dawn, a hmuhnawm mai ni lovin a pawimawh ang.
ZBBC lam tan do or die match a ni tel dawn a, an inter state player rawn thleng thar erawhin team chhungah phurna a thlen dawn tih a hriat a, fans nei tha veng pahnih an nih avangin inkhel en tura kal hma a fuh ang.
Inkhel hnuhnung zawkah hian MSL X finals rematch kan hmu dawn a, MSL a record nei tha ber pahnih an inhmachhawn tur hi eng hmunah leh eng hunah pawh a hmuhnawm lo ngai lo – a hmun ngeiah aw ni ang.
Zanina inkhel turte:
1. Zemabawk BC Vs Saron BC – 5:30 pm
2. Khatla TBL Vs Zarkawt BCA – 8:30 pm