Mipa sensitive deuh engtin nge i tih ang

Mipa sensitive tak chu inti pa theng thawng deuh te chuan an danglam hle a, chutiang mi nena inngaihzawn chu a buaithlak chang a tam mai thei. I tawngkam khat lek pawh i rin loh takin a lo la na viau thei a ni. Chutiang mipa chu zaidawh leh duat taka enkawl thiam an ngai hle a ni. Relationship lama mithiam ten chutiang mipa te chungchanga hriattur ni a an sawi te kan rawn tarlang e.
1. Mipa sensitive tak chuan him lo riaua inhriatna te annei thin a, a chang chuan hei hi ninawm lamah te pawh a kal thei ang. Mahse, buai duh vak suh, a laka i rilru put hmang te tlang takin hrilh mai la. I hmangaih a, i care a nih chuan hriattir ngei ang che. Chu chuan a ngaih a titha dawn a ni.
2. Inthik tir tum lem suh. Hmeichhia ten an ngaihzawng te inngaihven that tir nan an thik tura awm an ching leh tlat thin. Mahse, mipa sensitive lakah chuan hetiang hi tih loh tur a ni. Mahni tawk pawha him lo leh ngaihtha lo taka a awm tawh sa nak alaia, a thik tura i awm leh zel chuan tum loh deuha inthenna pawh thlen thei a ni. Chu ai chuan amaha i duh zawng te hrilh la, atan awm reng la, tichuan ani pawh i tan a awm ve ang.
3. Che hmasa turin beisei suh. Chutiang mipa chuan i lo duh lovang tih hlauin a hmangaih che tih pawh a hrilh hmasa ngam lo maithei che, chuvangin thian satliah ang lo deuha i en a nih chuan hrilh hmasatu zawk nih hreh suh. Amah a inrin tawk hunah chuan a romantic leh viau lawi si dawn a ni. Engkimah chet i lak hmasak a tul mai thei a ni!
4. Thil ruahman reng rengah a rawt chak zawka i tan a ngai a, thil tih tur reng rengah a thu zawk ang maia chat i lak hmasak a tul thin ang.