Myanmar sipai sorkar chuan sipaia tangrual te chu an ram chhuahsan a remti lo bur a, hei hi sipaia tanglui tura intihna kalpui tum a nih hnua ram chhuahsan an tam vang nia sawi a ni.
Myanmar thuneitute chuan ram pawna hnathawh dila phalna lak tum te dilna zawng zawng chu hnawl vek a nih tur thu a puang a.
Myanmar khua leh tui tam tak te chu Asia ram dangah hnathawkin tam tak an awm a, ram pawna hnathawka an kal chu awlsam taka remtihna pek mai a ni thin.
Mahse tunah erawh sipai te chuan civil war chhuak mekah harsatna nasa tak chhuakin tun hnai lawkah thalaite chu sipaia tanluih tir turin dan a siam tha a ni.
Kumin thla thum chhung lekin mi 100,000 laiin ram pawna hnathawh dilna an thehlut tawh a, thehlut kher lova ram pawna kal tam tak an awm bawk.
Myanmar sipaite chuan mipa kum 18 atanga 35 inkar leh hmeichhia kum 18 atanga 27 te chu sipaia tangturin a ti a.
Myanmar mi leh sa tam tak te chu Thailand, Malaysia, Singapore, South Korea bakah United Arab Emirates ah te hnathawkin an awm a ni.
Kum 32-a upa Japan rama kal tum chuan ‘beiseina a nei tawh lo’ tiin a sawi a, “Kan ramah hnathawh tur a awm lo va, ram chuahsan min phalsak bawk lo va. Engmah kan tih an remti lo a ni ber” tiin a sawi.
Naypyidaw a Lewey Township a cheng kum 28-a upa Ko Phyo pawhin Burmese military council thupek chuan thalai te chu hnathawk lo turin a ti a ni ber a ti bawk.
Myanmar civil war chhuah hnuah leh kumi n February thlaa sipaia tanluihtir tumna thupek chhuah hnuah Myanmar thalai sing tam te chuan ram an chhuahsan tawh a, tam tak te chu Thai ramri khua Mae Sot ah an khawsa mek bawk.
Myanmar sorkarin \halaite an ram chhuahsan khap bur
Get real time updates directly on you device, subscribe now.
Next Post