MZP-in Black Day hmang

India hmarchhaka zirlai pawl dangte rualin Mizo Zirlai Pawl chuan Thawhtanni khan ‘Black Day’ a hmang.
North East Students’ Organisation (NESO) chuan India rama Citizenship Amendment Bill pass tura hmalakna nasa takin a dodal a, Mizoramah pawh theihtawpa dodal a ni. Chuti chung chuan 2019 December 11 khan Rajya Sabha-ah he Bill pass a ni a. He ni hi NESO chuan India hmarchhak mipui palzutnaah a ngai a, lungawilohna ni atan kumtin he ni hi a hmang a ni. India hmarchhak state hrang hrangah pawh hman niin, puandum zar a nih bakah banner a thuziak tar a ni.
NESO-ah hian zirlai pawl 8 – Khasi Students’ Union (KSU), All Assam Students’ Union (AASU), Naga Students’ Federation (NSF), Mizo Zirlai Pawl (MZP), Twipra Students’ Federation (TSF), All Manipur Students’ Union (AMSU), Garo Students’ Union (GSU), All Arunachal Pradesh Students’ Union (AAPSU) te an awm a ni.