MZP-in hlawhtling chawimawi

MZP-in hlawhtling chawimawi
MZP Gen. Hqrs chuan Thawhlehni khan MZP chhungkua, Book of the Year 2024 ziaktu bakah UPSC Civil Services leh Combine Defense Services-a inziaktling leh HSLC top-9 a tling lawmpuina an hlan.
MZP president H Lalthianghlima chuan, HSLC leh HSSLC top-10 leh top-3 a Mizo tlingte lawmpuina hun an hmang tawh a. Govt. school-a qualified /trained teacher ngeiin an zirtir chhuah naupang chawimawina hlan tur an tlem thin hle chu zirtirtuten tan an lak thar a ngai tih a sawi a ni.
Lawmpuina hlante hi – MZP Sub Hqrs Thenzawl president hlui, tuna minister ni ta B Lalchhanzova; MZP Gen. Hqrs. vice president ni mek, doctorate degree hmu thar C Lalremruata; MAL Book of the Year 2024 dawngtu F Vanlalrochana, MPS; MZP Gen. Hqrs. executive member hlui leh MZP Sub Hqrs Sesawng secretary hlui, MCS-a tling thar Lawrence Lalhlanthara; MZP Gen. Hqrs. executive member hlui, MCS-a tling thar Lalchhuanawma Ralte bakah UPSC 2024-a Zohnahthlak tling – Carolyn Chingthianmawi, IAS (All India Rank -543); Jerry Lalhratthang Buongpui UPSC CSE (All India Rank -999); Andy L Khobung, UPSC Combined Defence Services (CDS) 2024 (All India Rank – 304), kumin MBSE hnuaia HSLC top 9-a lang leh ta Mary Sui te an ni.