National Youth Icon lawmpui

National Youth Icon lawmpui
Sawrkar laipui Ministry of Youth Affairs & Sports-in Viksit Bharat Yuva Connect hnuaia National Youth Icon atana a thlan, Grace Lalrinpari Hauzel d/o Lalsangzela Hauzel, Khatla chu Nilaini khan Youth Services minister Lalnghinglova Hmar chuan a office-ah lawmpuina a hlan.
Minister chuan state-ah an department chu a lo puitu leh buaipuitu an ni mai a, mi 12 an tirh zingah hetiang dinhmun thleng thei an awm chu a lawmawm a, ram pum huapin Mizo thalai a chawimawi hle tih a sawi a ni.
Vikshit Bharat National Youth Icon hi India-in kum 2047-a ram hmasawn (developed nation) zinga chhiar tel nih a tumna kawnga Viksit Bharat Yuva Connect hnuaia an hmatheh tura palai nihna a ni a. Grace Lalrinpari hi kumin January-a New Delhi-a Young Leaders Dialogue neihah Mizoram aiawha kal zing ami niin, a kalte atanga ram pum huapa titha thlan chhuahah a tel. Prime minister hmaah presentation a nei a, PM-in chawchhun a eipui tur mi pahnih thlan zingah a tel a ni.
Pachhunga University College-a Department of History 5th semester zirlai a ni a. Kawng engkima an buaipuinaah Mizoram Sports & Youth Services department chungah lawmthu a sawi a ni.