Naupang inkhawmpui haw lam chetsualnaah pakhat thi

Baptist Church of Mizoram hnuaia Kristian Naupang Pawl (KNP) inkhawmpui haw lam chetsualnaah naupang pakhat a thi a, mi pasarih-in hliam an tuar.
Thudawn danin, September 28 & 29 khan BCM Sakawrdai Pastor bial KNP Inkhawmpui vawi 14-na chu BCM biak in Zohmunah neih a ni a. BCM Zohmun Kohhrana rawngbawltu pawimawh C Lalrinawma chu City Hospital Aizawlah a thi a, kohhran chhunga chhiat an tawh avangin Pathianni chawhma inkhawm programme cancel a ni a, an invui fel hnu chawhnu dar 3.00 khawmpui intihsiak an nei tan a, zan inkhawm programme nei zuiin dar 8.30 velah mahni khaw lamah khawmpui kalte an haw a ni.
Tluang taka mahni khua an thlen laiin, Mauchar KNP kalna pik-up chuan naupangte a thlahkual laiin lirthei chesualin na takin kopang a su a, a khalhtu Lalsiamkima fapa Benjamin Lalrimawia (9) chu a hmunah thi in, mi dang pasarihin hliam an tuar a, an zinga pali hi naupang an ni a, a khalhtu tiamin puitling 3 an hliam bawk.