National Cadet Corps chuan a hnuai amite tan tih that lawmman a sem. North East Region-a NCC director general Lt Gen Gurbir Pal Singh chuan Nilaini khan Aizawlah an hnuaia NCC Meritorious Award sem paha cultural programme neih a hmanpui a. NCC-te chu training leh adventure activities ngaipawimawh tur leh expedition, trekking, parachuting, para jump, skying ah te tel a; India ram pum huapah pawh lang thei tura mahni inthunun turin a chah. Khawtlang tana an thiamna leh theihna hmang let tur leh, cadet-te chu midang puitu leh thalaite tana entawn tlak ni zel turin a chah a ni. Meritorious award hlan te hi - 3rd officer Vanlaltanpuio CTO, 1st Mizo Air Squadron; Cpl Kenny Lalrinawma Singh, 1st Mizo Air Squadron; Cpl Laltlansangi, 1st Mizo Air Squadron; SUP George Lalruatmawia 20 Mizoram Bn NCC leh Cpl Vanlalhlui, 1st Mizo Bn NCC an ni.
NCC-in award sem
Get real time updates directly on you device, subscribe now.
Prev Post