New Zealand chu khawvela plastic bag khapna lama kal na ber ni mekin supermarket-ah plastic bag pan, thei leh thlai khai leh dah nana hman thin te pawh a khap.
Kar kalta Inrinni atang khan sorkar chuan single-use plastic khapna lamah zau zawkin hma a la zui a.
Shoppers te chuan kum 2019 atanga take-home plastic bag khap a nih hnuah bazar-a an kal pawhin bag an keng sa tlangpui tawh a ni.
Tun hnaiah khawvel ram hrang hrangte chuan plastic bag khapna lamah nasa zawkin hma an la zel bawk a.
“New Zealand hian waste a pechhuak hnem lutuk a, plastic waste a tam lutuk a ni,” tiin Associate Environment Minister Rachel Brooking chuan a sawi a.
Kum 2019 atanga sorkarin hmalakna a kalpui hnuah plastic bag billion khat chuang hnawla a awm tak thu a sawi a. Tuna dan thar hmang hian kum khatah plastic bag 150 million vela hman a titlem tura ngaih a ni.
“Kan tum ber chu packaging tina single-use plastic hman te tihtlem zel hi a ni. Tihian miten an bazar dawnin an thil lei dahna tur bag keng tel zel se,” tiin Brooking chuan a sawi bawk.
Mipuite chu a theih chhung chuan hman nawn theih bag te hmang turin an ngen bawk a. “A tirah chuan a harsa tih pawh kan hria a, a hnuah erawh ngaiah kan nei mai ang,” tiin sawi a ni bawk.
New Zealand sorkar hian climate change nasa taka dodalin hma a la mek reng a. Nikum October thla pawh khan farm animal beram leh bawng tena greenhouse gases an pekchhuahah tax a la tawh bawk.
New Zealand-ah single-used plastic khap
Get real time updates directly on you device, subscribe now.
Prev Post