Newcastle in Gordon la lut

English Premier League-ah pathumna ni mek Newcastle United chuan an squad thuam chak turin player thar an nei a, Everton forward Anthony Gordon chu £45m sengin an la lut.

Everton academy atanga inzirchhuak Gordon hian EPL ah tlahniam thei dinhmuna ding mek Everton hi chhuahsan ngei a duh a. Season kal meka chetha tak New-castle United in lak tumin an lo dawr bawk nen Goodison Park chhuah-san ngei tumin kawh-mawh a bawl a, Everton training a zawm duh lo. Training a zawm duh loh vang hian Everton pawh hian hralh mai an duh thar ve ta bawk a. Nipui bazar inhawn hunah Chelsea in lak an tum Gordon manah hian £60m zet chhiar bawk mahse, thlasik bazarah £45m in an hralh a tul ta zawk a ni.

Newcastle hian Gordon manah hian £40m an pe phawt a, a khelh that dan a zirin £5m an pek belh leh ang. Gordon an lak luh hian a contract rei zawng tarlan a ni lova, hun rei tak daih a nih thu chauh tarlan a ni. England Under 21 player Gordon hian kum 2017 atanga khan Evertin senior team tan a khel tan a, inelna hrang hrangah vawi 78 khelin, goal 7 a thun tawh.