Ngaihang nghet te nena inthen

Ngaihang nghet te nena inthen
A kuma kum inzui a, inngaizawng kan awm thin, kan inzui rei tawh chuan inthen a harsain a na duh bik a, i hmangaih tak i tawng ta ni a i ngaih te kha a lo nih phei chuan a hrehawm lehzual ang. In inkar chu siamthat hleihtheih a ni tawh lo tih i hria a, inthen tura i indah chuan i zawi nghal vek thei hial ang. Engtin nge hetiang na hi i tawrh dam theih tak ang le?
1. I rilrua a rawn thawh dan kha inup beh tum chuang suh. I thinrim a nih pawhin a pawi lo, ruak deuh huai a inhriatna te i nei ang a, kal ngaihna hriat mai loh te pawh thil nihphung ve tur a ni. Mahse, reh hun a nei dawn tih hre reng la, nghak rawh hun a duh deuh a nih pawhin!
2. Amah hriatchhuahtir theitu che chu dah bo vek rawh. A pawimawh hmasa ber chu social media lamah check suh. Block daih la a tha zawk. Facebook leh Whatsapp-ah te pawh block mai rawh. Social media lama in chhui zui hian min tina belhchhah a, hmalam pan tura rilru siam a tiharsa a, min tina mai mai a ni zawk.
3. Mahni a awm a inngaihtuah veng veng hman lo turin thian kawm rawh. I chhungte leh thian hnaite bulah awm tam la, mahni a inthlung hrang mai lovin khawlai te pawh chhuak vak rawh. Mahni a awm a, suangtuahna rama chen veng veng te nuam i ti viau mai thei, mahse, hei hian lunglenna leh hrehawmna bak rah chhuah a nei tak tak lo.
4. Zin khawthawng rawh. Inthen hlima rilru lak penna tha ber pawl chu zin khawthawn mai mai hi a ni. Chutah pawh mahni a zin ai chuan thiante nena zin a tha lehzual. Zinna hmun atan pawh kan la tlawh ngai loh hmun te ni thei se a tha lehzual. Hetianga zin chhuah a, hmun thar han daih dar te hian rilru a la peng a, lunglen leh khawhar hnemtu tha tak a ni a, rilru thar i neih leh theihna tur kawng tha tak a ni bawk.
5. Mahni inenkawl tha rawh. Inthenna kan lak nat lutuk hian kan taksa hriselna thlengin a tuar thei. Kan lungleng khawhar chu mahni inenkawl that peih lohah te kan tlak thei a, intihfai peih loh a, bawrchhawr taka awm mai te a awl a, kan lo nguaiin kan lo zawi a, exercise lak that peih loh phah te pawh a awl. Chuvangin, inthen hnuah thil ei that tur a ni a, a hmaa kan tih thin taksa tana tha te chu tih chhunzawm zel zawk tur a ni. Mahni induat sawt tur a ni zawk a, a hma aia nalh zawka awm tur a ni.