Ngaizel kawngah lirthei tlan phal lo

Tunhnai ruahsur avangin Kulikawn Ngaizel pheiah lung tla a awm leh thin avang leh lung tlak mai hlauhawm a la awm nia hriat vangin, Aizawl district magistrate chuan mipui him zawkna atan Disaster Management Act 2005 Section 34 (b) (c) in thuneihna a pek angin 2025 May 1 zan dar 7.00 atangin Ngaizel kawng hi lirthei eng chi mah tlan phal a ni lo tih a puang. Kea kala kawng hmangtute pawh fimkhur turin a hriattir bawk.
Lung tlak mai hlauhawm hi vawiin – May 2 hian Aizawl District Disaster Management Authority leh PWD-in thenfai hna an thawk dawn a. Hemi huna Traffic Police-in lirthei tlan dan tur an ruahman chu ngaipawimawha zawm turin mipui a hriattir a ni.