Ngur khuaa vawk thi ASF vang
Champhai district Ngur khuaah African Swine Fever (ASF) a leng tih finfiah a ni a. He khua hi ‘infected area’ ah puan nghal a ni.
Tunhnai khan Ngur khuaah hian vawk damlo engemawzat awmin thi pawh an awm nual nia sawi a ni. Sawrkar chuan mithiam intirin vawk thi te sample la in, Aizawl lamah enfiah a ni a, preliminary test-ah ASF vang a ni tih finfiah a ni. Hei vang hian AH & Vety chuan dan tlawhchhan hmangin Ngur khua hi May 4 atang khan thuleh awm hma vawk hrilenna hmun ‘Infected Area’ ah a puang a ni.
Hemi ang hian Ngur khua atanga vawk lakchhuah emaw lakluh emaw phal a ni loa; vawk thi reng reng paih mai loin, chinai (lime) nen thuk taka phum tura tih an nih bakah an khuaah vawk talh leh vawksa zawrh khap a ni.
Champhai district magistrate pawhin dan tlawhchhan hmangin Ngur khua atanga vawk/ vawksa leh vawksa atanga siam reng reng hralh/ thawn chhuah/ lakluh khap a nih thu a lo chhuah tawh a. Thupek hian thla hnih a huam dawn a, dan bawhchhiate chungah dan anga hma lak zel a nih tur thu a sawi a ni.
Ngur khuaa vawk thi ASF vang
Get real time updates directly on you device, subscribe now.