Nuai 100 bo thu speaker sawi kha chhui turin sawrkar kan phut – MPYCC

Deputy chief minister Tawnluia department chan pakhat hnuaia cheng nuai 100 chuang hnathawhna awm loa ziahral nia sawi awm chu chhui chian tura thubuai ziak lut turin chief minister leh deputy chief minister an phut tih Congress |halai chuan an sawi.
Thuthar thehdarhtute hnena a sawi danin Congress |halai Hqrs. president Laltawnliana chuan Mizoram Legislative Assembly speaker Pu Lalrinliana Sailo, USA Maryland-ah a zin tumin Zofa awmte nena an inkawmnaa a sawi sawi chhawngin, “Pu Lalrinliana Sailo hian, deputy chief minister Pu Tawnluia department chan hnuaiah dik lo taka cheng nuai 100 chuang hnathawh awm loa ziah ral a awm tih a hriat thu chief minister Pu Zoramthanga leh deputy chief minister \hut dun lai ngeia a hrilh thu leh, an department chan en uluk a \ul thu a hrilh thu a sawina video, mi tin hmuh theiha Youtube-a tlangzarh a ni hi sawrkar tan a mualpho thlak kan tiin pawi kan ti hle a ni,” a ti.
Hemi hma pawh kumin January 30-a MNF minister leh MLA-te an inhmuhkhawm tumin, chief minister leh deputy chief minister \hutdun laiin Pu Tawnluia department hnuaiah cheng nuai 100 hmanna awm loa ziah bo a nih thu leh, deputy CM department hnuaia thawk la naupang tak pakhat leh JE pakhatin hrehawm ti taka an ziahral thu a lo hrilh tawh tih Pu Lalrinliana Sailo hian a lo sawi tawh, tiin, he thil thleng hi tha a tih loh avangin an department chan en uluk turin a hrilh hial a sawi thu Laltawnliana hian a sawi bawk.
He thu an ngawihpui reng chhan chu, Assembly speaker meuhin eirukna a awm tih a sawichu a chian em avang leh speaker sawi chu thu tling a nih avangin rang takin sawrkarin action a la anga, thil tidik lotu chu a chhuichhuah thuai an rin vangin engmah an sawi rih lo tih Congress Thalai hruaitu hian sawiin, “Vawiin thlengin engmah hmalakna awma kan hriat loh avangin kan tawng chhuak ta chauh a. Chiang taka eirukna awm nia langah pawh sawrkarin hmalak a tum lo hi na kan ti a. MNF sawrkar Pu Zoramthanga kaihhruai hian eirukna hi a ngaipawimawh lo tih a langchiang hle,” a ti.
He thil hi a rang thei ang bera sawrkarin chhuichiang tura hma a la lo a nih chuan, Congress Thalai chuan an thiam dan ang angin an chhuizui dawn tih a sawi a. CM leh deputy CM berin an ngawihbo pui tlat chu he sum ziah boah hian a kaikuang ber an ni zawk em, tih an zawt nghal tih a sawi bawk.