Nupa nun tihchak nan chaw tha

In nupa nun hman kha a romantic tawh lo a, ninawm lamah a kal tawh mah mah zawk em? Ninawm tura i duh vang chu a ni miah lo. In nupa nun hman dan a romantic tawh lo a, nupa nun hman pawh châkna em em i nei ta mang lo!
Hetianga nupa nun hmanna lama kan tlakhniamna chhan hi chi hrang hrang a awm thei a, tih tur kan ngah tak lutuk vang te, ngaihtuah leh vei kan ngah lutuk vang te, rei tak tak hna kan thawh a tul tak avang te leh taksa hrisel lohna avang te pawh a ni thei. Chutianga kan châkna a lo tlakhniam takah chuan kan hriat loh karin nupa inkar pawh a lo nghawng nasa thei hle a ni.
Times of India health section-in hetiang lama min ti harh thar a, min ti chak thar thei chaw tha ni a an sawi te kan rawn tarlang e.
1. Dawnfawh: Dawnfawh hi ‘Viagra thar’ an tih ve hial a ni. Dawnfawhah chuan amino acid chikhat citrulline a awm a, chu chuan kan thisen te a tihahdam thei a, chu chuan nupa nun hmanna kawngah mi a tichak thei.
2. Asparagus: Asparagus hian B vitamin folate a pai hnem a, chu chuan histamine insiam tur a pui tha hle. Histamine chu a hmei a pain, nupa nun hmanna kawnga mi tichak theitu pawimawh tak a ni.
3. Avocados: Potassium a pai hnem khawp mai a, chu chu mipa leh hmeichhe tan nupa nun hmanna kawnga chakna a ni. Folic acid a pai hnem a, chu chuan energy leh stamina a siam a, chu chu nupa nun hmanna kawnga mi tichaktu pawimawh tak a ni.
4. Hmarcha: Hmarcha thak ngam tak hi nupa nun hmanna kawngah an chak duh an ti. Hmarcha chuan capsaicin a pai hnem hle a, chu chu thisen luang ti chak thei leh hlimna thlentu hormone endorphins tichhuak thei a ni a, mipa leh hmeichhe tan mi tichak theitu a ni.