Nupui fanau te bula awm tam an hlim zawk

Relationship lama mithiam ten zirchianna an neih hnuah mipa, pawnlama chhuak nasa lutuk te aiin nupui fanau te bula awm tam te an hlim duh zawk niin an sawi.
Indiana University hnuaia Shyness Research Institute a director Bernardo J. Carducci chuan, “Hlimna zawnga pawnlama party tura chhuah kher a tul lo. Chhungkuaa awm tam apiang an hlim zawk a ni,” a ti.
Carducci leh a ho ten zirchianna an neih atanga an hmuh danin, pawnlama hlimna zawn chu a hun laiin hlim viau angin lang thin mahse a daih rei lova, a hnua rilru hahna thlentu te pawh a ni leh zawk hlauh thei.
College zirlai te zingah pawh chhungte nena in be pawp tha te an hlim thei zawk niin an sawi a, hnathawk nasa te chu mi awm awl te aiin an hlim zawk niin an sawi bawk.
Carducci chuan, “Mahni thil tum ti hlawhtling tura theih tawpa chhuah a thawk te, awm mai mai a, TV hmaa thu nileng thin te aiin an hlim thei zawk,” a ti bawk.
He zirchianna chungchang hi American Psychology Association annual meeting-ah chhawpchhuah a ni.