Nvidia-in Apple khumin company hlu ber pahnihna

Nvidia market value chuan $3 trillion hawlhin chipmaker te chu Apple aia chungnungah dahin khawvela publicly listed company hlu ber dawttu an ni ta.
Nvidia te share price chu 5% chuanga pungin $1,224 ah a kaichho tawh hial a ni.
US firm hi artificial intelligence (AI) lama investment tih nasat hlawkna tel nasa ber pawlah a tel a.
A market value chu Chat GPT siamtu OpenAI a investment nasa tak titu Microsoft hnuai deuh chauhah a awm a ni.
February thla khan Nvidia hlutna chu $ 2 trillion vel niin tun hnai hun rei lo te chhungin a hlutna a pung chak thur thur hle.
Thla kalta khan share purchase dan thar siamin chu chu stock spit tih niin share te tihpun niin mahse an value a hniam phah thung dawn a, chu chu small-time investor tena an leiphak ve theih nana tih a ni. Chu chuan demand nasa zawk a siam beisei a ni bawk.
Nvidia hi kum 1993 a din kha niin a tirah chuan computer chips chauh siam a ni a, a bik takin computer games lam a thlurbing bawk.
Ai revolution awm hma daihin an chips siam te belh zelin chu chuan machine learning lam a pui nasahle a, a market share pawh a san phah a ni.
Nvidia hlutna sang chak tak chu AI-power tech in khawvel sumdawnna a chiah hnehzia pholanna anga ngaih niin Nvidia boss Jensen huang chuan ‘next industrial revolution’ kan lut dawn tiin a sawi.
Nvidia te hian April 38 thleng khan kumin thla thum chhungin an thil siam $26 billion hu an hralh a, kum 2023 nena khaikhin chuan a let thumin an thil siam hralh a pung a ni.